Mori 1 milion lekë për punësimin e rojës, mbyllen hetimet për drejtorin në bashki

SPAK njoftoi se ka mbyllur hetimet për Erjon Buçukun, me detyrë përgjegjës i burimeve njerëzore në Drejtorinë e Përgjithshme të Objekteve Publike të bashkisë Tiranë.

Ai akuzohet për “Korrupsioni pasiv i personave që ushtrojnë funksione publike” pasi mori 1 milion lekë të vjetra për të punësuar Geraldi Bregun, si roje të shkollës 9 vjeçare “Ardian Klosi”.

Bruçi  i ka kërkuar Bregut edhe 1 milion e 500 mijë lekë të tjera për të punësuar të fejuarën e tij si sanitare në shkollën “Mihal Grameno” në Tiranë.

Veprimet hetimore të këtij procedimi penal janë kryer nga hetuesit e Byrosë Kombëtare të Hetimit nën drejtimin dhe kontrollin e Prokurorit të Posaçëm.

LEXONI GJITHASHTU:

• SPAK mbyll hetimet për 3 zyrtarët, morën para për të lejuar kontrabandën e farmacive
• Petrit Vasili në SPAK, Meta: Nuk shqetësohem fare, problem janë inceneratorët