“Mos filmo më shumë se 15 minuta”, gazetari i Euronews përplaset me komisionerët

Në njërën nga qendra e votimit në shkollën Adem Sheme, në Sarandë gazetari i Euronews Albania, Enriko Gabaj, ka pasur një përplasje me komisionerët në këtë qendër votimi, pas atij i është thënë se nuk mund të qendrojë më tepër se 15 minuta në qendrën e votimit.

Një nga komisionerët i ka thënë gazetarit të Euronews Albania se nuk duhet të filmojë brenda qendrës së votimit dhe se media nuk lejohet të qendrojë brenda ambienteve të qendrës së votimit.

“Është tjetër vëzhguesi i cili qendron brenda, nuk ka as telefon as kamëer, tjetër është media. Nuk mund të xhirosh më shumë se 15 minuta”,-tha komisioneri.

Gazetari Enriko Gabaj i lexoi ligjin komisionerit lidhur me personat e akredituar të cilët mund të qendrojnë në qendrën e votimit.

1. Në qendrën e votimit mund të qëndrojnë vetëm:
2. a) anëtarët dhe sekretari i KQV-së;
3. b) zgjedhësit që janë duke kryer procedurat e votimit deri në përfundim të tyre; dhe

c ) vëzhguesit e akredituar shqiptarë dhe të huaj.

2. Asnjë person i armatosur nuk lejohet të qëndrojë në mjediset e qendrës së votimit.

Gazetarët dhe kameramanët me BADGE kanë statusin e vëzhguesit te akredituar. Mund të filmojnë, mjafton që të mos pengojnë votuesit dhe të mos filmojnë votën.

LEXONI GJITHASHTU:

• Fotografoi votën në qendrën e votimin, shoqërohet në polici 56-vjeçarja
• Ambasadori i BE: Po vëzhgojmë procesin, zgjedhjet lidhen drejtpërdrejt me integrimin