Ditën e sotme nisja e seancës plenare në Parlament është shoqëruar me tensione dhe përplasje të shumta.

Deputetët e opozitës kanë bllokuar hyrjen e Parlamentit, teksa një pjesë e tyre janë përjashtuar nga punimet e seancës plenare.

Ndërkohë jashtë ambienteve të Kuvendit ka nisur grumbullimi i qytetarëve, të thirrur në protestë nga “Rithemelimi”.

“Mos i lejo terroristët me kollare të hyjnë”- ka thënë deputeti Dashnor Sula gjatë përplasjeve.

Po ashtu, deputetët e opozitës janë përplasur edhe me punonjësit e gardës, mes të cilëve ka pasur tone të larta dhe shtyrje.

Kujtojmë se opozita ka paralajmëruar përshkallëzim të aksionit opozitar.