“Mos ikni, atdheu ka nevojë për ju” – Papa Françesku mesazh për të rinjtë shqiptarë

Në një mesazh të rrallë drejtuar të rinjve shqiptarë, Papa Françesku u bën thirrje që të mos largohen nga Shqipëria, por të qëndrojnë dhe ta përmirësojnë vendin e tyre. Ky mesazh është bërë publik ditën e djeshme dhe është bërë shumë viral duke qenë se bëhet fjalë për një figurë aq të dashur dhe të rëndësishme.

“Atdheu ka nevojë për ju”, thotë ndër të tjera Papa në një mesazh video të shpërndarë nga Konferenca Ipeshkvore e Shqipërisë.

“Për ju të rinj shqiptarë, një urim të përzemërt. Punoni për atdheun që të përparojë. Atdheu ka nevojë për ju. Zoti iu bekoftë. Lutuni për mua”, thotë midis të tjerash Papa.

“Papa Françesku e do shumë popullin tonë, Të dashur miq, sot ju bëj surprizën e përshëndetjes që kërkova për ju, Papa Françeskut. Ai veçanërisht ka fjalë inkurajuese për të rinjtë shqiptarë që të punojnë për atdheun e tyre, që të ecë përpara, se atdheu ka nevojë për të rinjtë”, shkruan Arqipeshkvi i Kishës Katolike për Tiranën dhe Durrësin Arjan Dodajt, i cili e ka publikuar në profilin e tij në rrjetin social.

LEXONI GJITHASHTU:

• Papa Françesku apelon për korridoret humanitare dhe lirimin e pengjeve
• Papa Françesku: Duhen marrë masa urgjente ndaj ndryshimeve klimatike