“Mos ulni vigjilencën”, OBSH për COVID-19: Varianti ‘EG5’, shumë i transmetueshëm

Me një tjetër variant të COVID-19, Organizata Botërore e Shëndetësisë po paralajmëron vendet në mbarë botën të mos e ulin vigjilencën.

Organizata ka deklaruar se varianti i ri “EG5” është një mutacion i Omicron-it dhe ka efekte të ngjashme.

“Përfitimet që u arritën përmes këtyre masave si mbikëqyrja, kujdesi klinik, parandalimi i infeksionit, kontrolli dhe çdo gjë që u bë për COVID-19 është një investim për të ardhmen. Ndaj zhbërja e këtyre sistemeve do të ishte diçka dritëshkurtër”,-tha Maria Van Kerkhove, Organizata Botërore e Shëndetësisë.

OBSH po monitoron situatën që prej korrikut pasi varianti “EG5” është përhapur, që do të thotë se është bërë më i transmetueshëm.

Gjithashtu, i nxehti ekstrem i verës do të thotë se shumë njerëz ka gjasa të qëndrojnë në shtëpitë e tyre, duke u bërë më të cenueshëm.

“Në muajt e dimrit njerëzit kalojnë më shumë kohë në shtëpi. Por edhe tani në verë ata po e kalojnë kohën brenda për shkak të ajrit të kondicionuar dhe virusi do të përfitojë”,-tha Sinkron Maria Van Kerkhove, Organizata Botërore e Shëndetësisë.

Varianti “EG5” po konstatohet gjithnjë e në më shumë vende dhe OBSH pret që në disa prej tyre ai të bëhet dominant.

LEXONI GJITHASHTU:

• Seminari i gjuhës shqipe, më shumë se 100 studentë nga e gjithë bota marrin mësime
• “Bindju ligjit”- Beleri i përgjigjet Ramës: Drejtësia vonon, por nuk harron