‘Mosbindje civile me çdo mjet’, Berisha: S’ka alternativë përveç dorëheqjes së Ramës

Kryetari i Partisë Demokratike, Sali Berisha ka paralajmëruar për një betejë finale kundër kryeministrit Edi Rama, teksa i ka kërkuar dorëheqjen këtij të fundit.

Në një deklaratë për mediat nga selia blu, Berisha u shpreh se opozita do të reagojë me mosbindje civile dhe shtoi se Rama nuk ka alternativë tjetër përveç dorëheqjes.

“Betejë finale do të thotë betejë e cila ndalet vetëm pas largimit të kalbësirës nga pushteti. Nuk ekziston asgjë tjetër përveçse largimit të tij. Me të gjitha mjetet e mosbindjes civile, ky kalbësirë do shporret nga pushteti, nuk mund të mbahet më.

Ky ka kryer aktet më makabre, më të rënda, këto janë mesazhet e mia, por unë jam i bindur se këto burojnë nga zemra, mendja e çdo demokrati dhe demokrateje”, theksoi ai.

LEXONI GJITHASHTU

• ‘Rama të dorëhiqet menjëherë’, Berisha: Demokratët të mobilizohen për betejën finale
• “Çështja McGonigal”, Meta thirrje SPAK-ut: Hetoni Edi Ramën
• Manjani për skandalin me ish-zyrtarin e FBI: Rama do thirret në SHBA për të dëshmuar