Mosreagimi i qeverisë legjitimon vendimin e Gjykatës Speciale, thotë ish-këshilltari i Thaçit

Ish-këshilltari i Hashim Thaçit, Artan Berhami u shpreh nga Haga se vendimi i fundit për ish-presidentin është i paprecedent.

“Një gjykatë që nuk pranon as simbolet e Kosovës. Sulmon bashkë me prokurorinë institucionet e Kosovës.  Është një narracion i rrezikshëm për një polici që është ndërtuar nga SHBA. Nuk e beson Policinë e Kosovës”, u shpreh z, Berhami në emisionin “Mirëmëngjes” në Euronews Albania.

Ai shtoi se mbrojta është e shokuar për mënyrën sesi po vijon procedura dhe për argumentet e kësaj gjykate.

“Mungesa e reagimi të qeverisë së Kosovës, Presidencës, po e legjitimon gjuhën që kjo gjykatë po përdor për Policinë e Kosovës”, tha ai.

Paneli i Gjykatës së Apelit ka lënë s╤rish në paraburgim ish-Presidentin e Kosovës, Hashim Thaçi.

Ky vendim u mor pavarësisht garancisë që ka dhënë policia e Kosovës.

Mbrojtja e ish-krerëve të Ushtrisë Çlirimtare të Kosovës kërkoi që Zyra e Prokurorit të Specializuar të përfundojë hetimet ose që gjykatësi të caktojë një afat se deri kur Prokuroria mund të zhvillojë hetimet.