Mot i keq në Greqi, stuhitë me shira të dendura dhe dëborë përfshijnë vendin

Greqia është përfshirë të enjten nga moti i keq, për shkak të presionit të ulët atmosferik në mbarë vendin.

Sipas agjencisë vendase të meteorologjisë, shirat e dendura dhe stuhitë janë verifikuar së pari në ishujt e detit Jon dhe në pjesën perëndimore të Greqisë kontinentale.

Ndërkohë, në pjesën tjetër të vendit ka pasur reshje të pjesshme.

Gjatë ditës, moti i keq ka përparuar duke lëvizur edhe në lindje dhe duke prekur kështu të gjithë vendin, përfshirë Atikën, Athinën dhe Selanikun.

Ndërkohë, në zonat malore dhe në ato gjysmë malore në veri, veri-perëndim dhe në pjesën qendrore të shtetit helen ka pasur reshje dëbore.

Ato kanë mbuluar qytete të ndryshme në rajonin e Maqedonisë Perëndimore dhe pritet që të vazhdojnë edhe të premten.

LEXONI GJITHASHTU:

• Moti i keq, si paraqitet situata e përmbytjeve në Shkodër
• Moti i keq, 1400 ha të përmbytura në Shkodër, 15 banesa nën ujë në Obot