Moti i keq në vend, fshatrat e Librazhdit pushtohen nga bora

Ditën e sotme vendi ynë po ndikohet nga kushte atmosferike të paqëndrueshme. Moti paraqitet i vranët dhe me intervale shirash.

Reshjet e shiut me intensitet të ulët parashikohet të jenë prezente që në orët e para të 24-orëshit në pjesën më të madhe territorit, ndërsa në qendër reshjet e shiut fitojnë intensitet deri mesatarë, hera-herë reshje në formën e shtrëngatave shoqëruar me shkarkesa elektrike e lokalisht breshër.

Fushë Studën në njësinë administrative Stebleve dhe të gjithë fshatrat malorë në rrethin e Librazhdit janë ‘pushtuar’ nga reshjet e dëborës. Mësohet se bora arrin në trashësinë 5-15 cm.

Raportohet se dëbora ka rënë edhe në fshatrat malorë të Elbasanit e Gramshit dhe ndërkohë vazhdon të bjerë me intensitet mesatar në lartësinë mbi 750 m mbi nivelin e detit. Aktualisht sipas Emergjencave Civile nuk ka situata problematike, por ekipet e emergjencave dhe shërbimet publike janë në gatishmëri për t’iu paraprirë çdo situate.