Motori përplas për vdekje gruan në Lezhë, arrestohet drejtuesi i motomjetit

Një aksident fatal ka ndodhur në aksin rrugor “Lezhë-Milot”, ku një grua 75-vjeçare humbi jetën pasi u përplas nga një motoçikletë. Ngjarja ndodhi paraditen e sotme, kur shtetasi I. Ll., 40 vjeç, banues në Shkodër, duke drejtuar motomjetin e tij, aksidentoi këmbësoren Gj. Z., banuese në Lezhë. Pavarësisht se e moshuara u transportua menjëherë në spital, ajo nuk arriti t’u mbijetonte plagëve.

Pas hetimeve të kryera, policia arrestoi në flagrancë drejtuesin e motoçikletës, i cili akuzohet për “Shkelje të rregullave të qarkullimit rrugor”, me pasojë vdekjen. Materialet e rastit i janë referuar Prokurorisë së Lezhës për veprime të mëtejshme.

“Paraditen e sotme, në aksin rrugor “Lezhë-Milot”, shtetasi I. Ll., 40 vjeç, banues në Shkodër, duke drejtuar motoçikletën, ka përplasur shtetasen Gj. Z., 75 vjeçe, banuese në Lezhë, këmbësore. Shtetasja Gj. Z. u transportua në spital, por pavarësisht ndihmës mjekësore, ka humbur jetën”, thuhet mes të tjerash në njoftimin e policisë.

LEXONI GJITHASHTU:

• VIDEO| Aksidentohen dy mjete në Pogradec, lëndohet njëri nga drejtuesit
• Aksidentohet furgoni në Pogradec, shkak lagështia dhe shpejtësia tej normave