“Motra e përdhunuesit punon në bashki”, gazetarja: Kërkon t’i heqim foton e vëllait

Gazetarja e Euronews Albania, Sara Demushi komentoi në një intervistë rastin e 26-vjeçares të përdhunuar nga një grup djemsh në Vlorë, pas intervistës që bëri dhe me vëllain e viktimës.

Ajo tregoi se motra e njërit prej djemve që akuzohet, është anëtare e Këshillit Bashkiak të Vlorës dhe ka telefonuar vazhdimisht gazetarët për të hequr foton e vëllait të saj nga qarkullimi.

“Motra e njërit prej personave të arrestuar e cila ka një post në bashkinë e Vlorës, është anëtare  e Këshillit Bashkiak të Vlorës, në vend që të sensibilizohej me rastin për të cilin, vëllai i vet akuzohet sot, se ka prova, vazhdimisht, më kanë komunikuar dhe kolegët, edhe të Vlorës, edhe të Tiranës, duke i marrë në telefon e duke i kërkuar që të hiqet fotoja e vëllait të saj nga portalet, nga televizionet. Po me ç’të drejtë e bën një vajzë diçka të tillë? Në vend që të sensibilizohej me një 26-vjeçare për atë që kishte ndodhur, ajo vërsulet sikur fajin e kanë gazetarët. Po prit njëherë, shiko, ku është faji? Nuk ta kanë fajin gazetarët, shiko vëllain tënd,” – u shpreh Demushi.

LEXONI GJITHASHTU:

• Përdhunimi i 26-vjeçares në Vlorë, reagon Avokati i Popullit
• Trondit gjinekologu: Kam hasur shumë raste të përdhunimeve me dëmtime në organe