Muça: Basha u premtonte do ishin në lista dhe i gënjente, ka zhgënjyer demokratët

Gazetari Flogert Muça tha në një intervistë për Euronews Albania se me rikthimin e tij në krye të PD Lulzim Basha do ta ketë të vështirë të bindë demokratët se ka ndryshuar.

Sipas Muçës, Basha i ka zhgënjyer demokratët, që e kanë besuar dhe i kanë qëndruar pranë edhe pse vetëm ka humbur.

“Basha ka një profil politik politike që njerëzit e mbajnë mend. E solli Berisha, e bëri 3 herë ministër, e bëri kryetar bashkie, e bëri dhe kryetar partie, ja dha partinë, e bashkëmenaxhuan. Humbën pambarimisht dhe Basha ka një problem shumë të madh se pavarësisht se sot mund ta ketë seriozisht mund të jetë bërë pishman dhe thotë se prit tani do i bëjmë këtë, do bëjmë atë, ka precedentët që nuk e lënë të krijojë besimin që të bëhet lideri i vërtetë i opozitës. Basha është i pabesueshëm për demokratët, njoh pa fund demokratë që kanë qenë pranë tij dhe janë zhgënjyer nga ai”, tha Muça.

LEXONI GJITHASHTU:

• Basha mungon në seancën e votimit të ministrave, vizitë në Francë
• Nikollë Lesi: Basha e ka marrë përfundimisht PD-në, zgjidhja e vetme që ka opozita