Muça: Mbështetja e demokratëve për SPAK është entuziazëm elektoral

Gazetari Flogert Muça komentoi gjetjet e Barometrit në Euronews Albania lidhur me mbështetjen e votuesve të majtë dhe të djathtë për SPAK pas arrestimit të Erion Veliajt.

Sipas Muçës, rritja e mbështetjes së demokratëve për SPAK është vetëm entuziazëm elektoral që lidhet me arrestimin e eksponentëve të lartë të PS.

“Rama njihet si maniak i sondazheve, elektoralisht do ishte çmenduri të vepronte ndryshe, për njëri që ka thënë e kam bërë unë, të dalësh të thuash që pjella ime është e dështuar është çmenduri. Rikthimi i Ramës në qëndrimin e mëparshëm është normal. Mërzinë e socialistëve Rama e ka testuar; ka thënë nëse unë do jem i ashpër me SPAK socialistët do jenë pas meje apo jo? Ka parë që socialistët nuk i kanë shkuar aq mbrapa. Është entuziazëm elektoral mbështetja e demokratëve, nëse kemi zhvillime të reja brenda kampit demokrat, ata do kthehen në nivelin e mëparshëm të mbështetjes”, tha Muça.

LEXONI GJITHASHTU:

• Rritet besimi te SPAK, 52.1% e qytetarëve i besojnë këtij institucioni
• Socialistët bien në vlerësimin për SPAK, demokratët rriten, pas arrestimit të Veliaj