Gazetarja Esmeralda Mulaj tha në emisionin Now në Euronews Albania se vendimi i BQK për heqjen nga qarkullimi të dinarit serb e ka futur Kosovën në një situatë të nxehtë konflikti dhe ka alarmuar ndërkombëtarët.

Ajo u shpreh se ky është një moment reflektimi për lidershipin politik në Kosovë, që duhet të kuptojnë  se Kosova është sot shtet i pavarur në sajë të ndërkombëtarëve dhe pa ata nuk mund të ecë përpara.

“Kosova sot është shtet i pavarur i njohur ndërkombëtarisht që po bën progres në anëtarësimin në NATO. Ky është një moment reflektimi për lidershipin e Kosovës për të kuptuar që ndërkombëtarët kanë bërë të mundur që nga marrëveshja e Rambujesë të vijmë të pavarësia dhe shteti që ka sot, dhe pa ndërkombëtaret Kosova nuk bën dot progres dhe as duke iu bërë karshillëk ndërkombëtarëve nuk ecën dot para”, tha Mulaj.

LEXONI GJITHASHTU:

• Largimi i dinarit serb/ Kurti: Një periudhë tranzicioni është e nevojshme
• Ndërhyrja e Kurtit në zgjedhje/ Presidenti i RMV: S’është e kundërshtueshme, arsyeja