Gazetarja Esmeralda Mulaj thotë se nuk është një zgjidhje, vendosja e një polici te dera e çdo gruaje të dhunuar, për të siguruar që do të zbatohet urdhri i mbrojtjes.
Në emisionin “Review” në Euronews Albania, Mulaj u shpreh se duhet të ketë orentim për të gjetur një zgjidhje të drejtë.
Në lidhje me ngjarjen në Kosovë ku një grua shtatzanë u vra nga ish-bashkëshorti, Mulaj e cilësoi atë shumë të rëndë.
“Absolutisht është shumë e rëndë. Por nuk është më e rëndë raportimi se sa fakti që asgjë nuk ndryshon. Nuk e di nëse ne e orientojmë gjetjen e një zgjidhjeje drejt. Duket sikur ne shkojmë gjithmonë te dënimi, por edhe ata që janë dënuar sa më shumë, nuk është se ka ndodhur ndonjë gjë. Ndoshta ne nuk po e gjejmë dot atë çelësin, çfarë duhet të bëjmë, si duhet t’i ndihmojmë.
Të pretendosh, se do t’i vëmë nga një polic çdo gruaje të dhunuar te dera për ta mbrojtur, nuk mendoj se është zgjidhje, që të garantojë zbatimin e urdhrit të mbrojtjes. Nuk mundet, aq policë kemi. Çfarë duhet bërë. Ndoshta çështje sociale”, theksoi ajo.
LEXONI GJITHASHTU
- Ngjarja në Kosovë, Shala: Policia nuk zbatoi urdhrin e mbrojtjes për 30-vjeçaren
- A mund të shpëtohej foshnja? Mjeku flet për rastin e vrasjes së gruas shtatzanë
- Vrasja e grave, Hazizaj: Kosova një rast i veçantë, ka ende ndikimin e luftës
