Ngjarja në Kosovë, Shala: Policia nuk zbatoi urdhrin e mbrojtjes për 30-vjeçaren

Eksperti i sigurisë, Drizan Shala thotë se institucionet në Kosovë kanë dështuar në trajtimin e rastit të gruas shtatzanë, e cila u vra nga ish-bashkëshorti i saj.

Në emisionin “Review” në Euronews Albania, Shala nënvizoi se policia nuke zbatoi urdhrin e mbrojtjes për 30 vjeçaren, Hamide Magashi.

Ndër të tjera, ai shtoi se edhe punonjësit socialë nuk e trajtuan siç duhet këtë rast.

“Çështja është se ne në Kosovë jemi në proces evoluimi dhe zhvillimi shoqëror dhe ndryshimet e ndryshme kulturore, nga ajo partiarkale te ajo moderne dhe ndonjëherë këto gërshetime që ndodhin, nuk janë frymë e tolerancës. Është një çështje që në vetvete ka paraqitur një mori pengesash dhe mosfunksionimi.

Çifti në fjalë ka pasur një marrëveshje që ndërlidhet me fëmijën që sipas deklarimit duhet të kishte kaluar te përkujdesi i nënës dhe jo i babait. Viktima ka pasur kërkesë te ogranet e rendit, proces hetimor, gjyqësor, urdhër-mbrojtjeje. Nuk është zbatuar nga Policia e Kosovës. Punëtorët socialë kanë dështuar në trajtimin e këtij rasti, nuk janë njoftuar organet e rendit”, theksoi ai.

Policia e Kosovës ka dhënë detaje të reja rreth ngjarjes së rëndë në Kosovë, ku Hamide Magashi u vra me armë zjarri nga ish-bashkëshorti Sokol Halili më 30 nëntor.

Mësohet se autori Sokol Halili u arratis në Davidovc të Shtimes. Pas lokalizimit të tij, policia fillimisht largoi anëtarët e familjes nga shtëpia, ndërsa i dyshuari nuk pranoi negocimin me policinë dhe qëlloi veten me pistoletë. Ai humbi menjëherë jetën.

Policia ka informuar se në vendin e ngjarjes është gjetur dhe konfiskuar një pistoletë me një karikator pa fishekë dhe një predhë.

LEXONI GJITHASHTU

• A mund të shpëtohej foshnja? Mjeku flet për rastin e vrasjes së gruas shtatzanë
• Vrasja e grave, Hazizaj: Kosova një rast i veçantë, ka ende ndikimin e luftës
• ‘Është një alarm’, Sevim Arbana: Sa pak kemi ngelur dhe sa shumë gra vriten