Mundësi Valiev fiton medaljen e artë në Kampionatin Botëror të Forcave Ushtarake

Mundësi Chermen Valiev, medalisti i parë olimpik në historinë e Shqipërisë, ka fituar medaljen e artë në Kampionatin Botëror të Forcave Ushtarake, që po zhvillohet në Gjermani.

Ai vazhdon të përfaqësojë me nder flamurin kuqezi në arenën ndërkombëtare pasi disa muaj më parë u shpall kampion i Europës dhe u bë sportisti i parë shqiptar që siguroi medalje olimpike.

Kjo është një tjetër arritje për Chermen Valievin, i cili po kalon një periudhë të shkëlqyer, falë përkushtimit, disiplinës dhe profesionalizmit të tij të lartë.

Ai ka shënuar histori edhe në Lojërat Olimpike “Paris 2024”, ku fitoi medaljen e bronzit.

Ai u përfshi në Kombëtaren shqiptare nga presidenti i Federatës Shqiptare të Mundjes, Sahit Prizreni, një zgjedhje që ka dhënë rezultate fantastike në skenën ndërkombëtare.

“Chermen Valiev shpallet mundësi më i mirë me pikët maksimale teknike në Kampionatin Botëror të Ushtrisë”, thuhet në postimin e Federatës Shqiptare të Mundjes”.

LEXONI GJITHASHTU:

• “Tradhtar”- Mundësi Valiev reagon për incidentin me Mamiashvili: S’i detyrohem asgjë
• Valiev shpallet kampion Europe, sukses dhe për Abakarov në Evropianin e Mundjes