Avokati Leonard Karaj e ka cilësuar si një dështim faktin që partia Demokratike e drejtuar nga Enkelejd Alibeaj nuk arriti të nxirrte 61 kandidatë për të gjitha bashkitë e vendit.

I ftuar në Euronews Albania ai tha se nëse Partia Demokratike po kërkon të futet në zgjedhje vetëm për të marrë pjesë atëherë “është ku thërret qameti”.

“Është një dështim, jo i lidershipit, se unë nuk e quaj Alibeajn as lidership të kësaj partisë Demokratike zyrtare. Po nuk arriti dot të jepte 61 kandidatë për të gjitha bashkitë. Nuk dua ta pranojë që Partia Demokratike që ka udhëhequr vendin për 13 vite nuk i ka 61 kandidatë. Mendoj se aty ka pasur një luftë të brendshme, idesh më tepër se sa ndarje territoresh.

Ne jemi në zgjedhje dhe nuk po flasim për një parti dosido, po flasim për Partinë Demokratike e cila e ka qeverisur këtë vend për 13 vite. Nëse duam të futemi në zgjedhje vetëm për të marrë pjesë, atëherë këtu është ku thërret qameti”,-tha për Euronews Albania avokati Leonard Karaj.

LEXONI GJITHASHTU:

• Kreshnik Spahiu zbulon 10 arsyet pse Berisha do ia lërë partinë Metës
• “Muaj i mbarë, të gjithë përfitojnë”, astrologu bën parashikimin e prillit
• Franca dhe Gjermania bëjnë thirrje për zbatimin e marrëveshjes për normalizim