Analisti Kreshnik Spahiu deklaroi se ish kryeministri Sali Berisha po përgatitet që grupimin e drejtuar prej tij në Partinë Demokratike, t’ia lërë kreut të Partisë së Lirisë, Ilir Meta.
Në një intervistë për Euronews Albania, Spahiu dha arsyet se pse sipas tij, do të ndodhë diçka e tillë.
“Mendoj që në testamentin e tij politik, ai po përgatit që çelësat e kësaj lëvizjeje, e kësaj partie, t’ia lërë Ilir Metës. Faza e parë po përgatitet me shkrirjen e dy grupimeve, Rithemelimit dhe LSI, të cilat i pararijnë një faze për të krijuar një parti të përbashkët.
E dyta, Sali Berisha ka investuar shumë fort te figura e Ilir Metës, duke filluar nga 21 janari për të mbrojtur Ilir Metën, nga mbrojtjet në proceset gjyqësore, e ka bërë zv.kryeministër. Sali Berisha ka lidhje miqësore dhe familjare me Ilir Metën. Janë fqinj në Gjirin e Lalzit. Sot Berisha nuk ka një kandidaturë relevante e cila të rivalizojë figurën e Ilir Metës”, theksoi ai.
LEXONI GJITHASHTU