Akuzat për para ruse, Kryemadhi: Rama-Veliaj blejnë media me paratë e inceneratorëve

Deputetja e Partisë së Lirisë, Monika Kryemadhi ka reaguar pas akuzave ndaj saj se është financuar me para nga kompani ruse.

Në një deklaratë për mediat, Kryemadhi e mohoi diçka të tillë, teksa shtoi se kryeministri Edi Rama dhe kryebashkiaku i Tiranës, Erion Veliaj blejnë media dhe dezinformojnë me paratë e inceneratorëve.

“Unë si kallëzuese e inceneraorëve, nuk i kthehem pas kallëzimeve të mia, për faktet flagrante të shkeljes së ligjit nga Edi Rama, Erion Veliaj, Armando Subashi dhe të gjithë zyrtarët e zinxhirit të këtij grupi mafioz. Këto shërbime të dezinformacionit janë të financuara nga paratë tuaja. Paratë për inceneratorët nuk ndalojnë, sepse ndaj Erion Veliaj paguan çdo ditë inceneratorin e Tiranës.

Me paratë që Erion Veliaj paguan inceneratorin e Tiranës, blihet media kombëtare brenda vendit dhe kontraktorë të botës së errët që ofron shërbimet më të dyshimtat. Për Edi Ramën, të jini të sigurt, e di se çfarë pret”, theksoi ajo.

LEXONI GJITHASHTU

• Zgjedhjet, deputetët e PD: Mbështetje vetëm për logon, jo për kandidatët e primareve
• Pse po largohen kandidatët e Alibeajt, përgjigjet Genc Burimi
• Nis “rrjedhja” e kandidatëve të PD-së së Alibeajt për Këshillin Bashkiak Durrës