Mungesa e kulturës në denoncimit e nxjerr Shqipërinë më mirë se Suedia, thotë eksperti

Sondazhi i “Barometri” në Euronews Albania tregon se vetëm 4,4% e shqiptarëve mbi 18 vjeç kanë qenë personalisht viktimë e një krimi gjatë 12 muajve të fundit.

Për Arjan Dyrmishi, Qendra e Studimeve për Demokraci dhe Qeverisje kjo nuk është një shifër që paraqet realitetin pasi mungon kultura e denoncimit.

“Shqipëria rezulton se ka një shkallë të ulët të raportimit të krimit sa që në vitin 2010 ka pasur një diskutim me qeverinë dhe Interpolin, pasi Shqipëria rezultonte me më pak kriminalitet se sa Suedia”, tha ai.

Dyrmishi u shpreh se çdo ditë ka arrestime për krime të ndryshme dhe aksidente por kjo gjë nuk perceptohet si rrezik.

Sipas tij, shumë aspekte që lidhen me sigurinë nuk perceptohen nga publiku, pasi në të kundër shifrat do të ishin më të larta.

Kjo gjë mbështetet edhe nga rezultati i sondazhit, pasi rreth 50% pranojnë se nuk e kanë raportuar krimin që kanë qenë viktimë.

LEXONI GJITHASHTU:

• 1/4 e shqiptarëve ndihen të pasigurt në shtëpitë e tyre

• Vjedhja dhe dëmtimi i pronës, krimet që vuajnë më shumë qytetarët shqiptarë