Mungesa e librezës nuk iu penalizon, deklarim për të përfituar pensionin e pleqërisë

Të gjithë individët që përgatisin dokumentet për të përfituar pension, nuk duhet të shqetësohen për mungesa e Librezës së punës.

Instituti i Sigurimeve Shoqërore njofton se askush nuk do të penalizohet nga e drejta e përfitimit.

“Në formularin e aplikimit online, ju duhet të deklaroni saktë periudhat e punës dhe ndërmarrjet apo institucionet ku keni punuar.

Certifikata familjare, certifikata e martesës, vërtetimi për periudhën e shërbimit të detyrueshëm ushtarak për burrat, vërtetimet që provojnë periudhat e sigurimit dhe pagat kontributive sigurohen nga ISSH”, thuhet në njoftim.

Për të përfituar pension pleqërie, krahas aplikimit online përmes platformës e-albania, qytetari duhet të paraqesë edhe dokumentet përkatës që provojnë periudhën e tij të punës dhe historinë kontributive.

Këto sqarime bëhen nga Instituti i Sigurimeve Shoqërore, teksa përballet çdo ditë me dhjetëra pyetje e paqartësi nga ana e qytetarëve.

LEXONI GJITHASHTU:

• Berisha nga Puka: Çdo pensionist në Shqipëri duhej të merrte të paktën 360 mijë lekë
• Çmimet e larta në Cërrik, ankohen pensionistët: Nuk e mbyllim dot muajin