Mungesa e madhe e Kosovës, Muriqi 1 muaj larg fushave

Bomberi i Kosovës Vedat Muriqi do të qëndrojë larg fushave përreth 1 muaj, për shkak të dëmtimit të pësuar në sfidën kualifikuese të dardanëve me Izraelin.

29-vjeçari u largua nga fusha në minutën e 66’ të ndeshjes, kur u duk se ishte thjesht një tërheqje muskulore, por stafi i Mallorcas ka konfirmuar se futbollisti nuk do të jetë i disponueshëm për 4-6 javë. Në këtë situatë, Muriqi është një mungesë e madhe për Kosovën në dy sfidat përmbyllëse kualifikuese ndaj Zvicrës e Bjellorusisë.

Ky padyshim cilësohet një shqetësim edhe për trajnerin Primoz Gliha i cili duhet të bëjë pa asin e kësaj skuadre, teksa formacioni pritet të ketë shumë ndryshime. Muriqi po kalon një formë shumë të mirë në futboll, sidomos tek Mallorca ku ka shënuar 4 gola dhe asistuar 2 herë përgjatë këtij sezoni.

Sa i përket performancës me dardanët, numëron 46 paraqitje, nga të cilat ka shënuar 24 gola. Shancet për kualifikim për skuadrën dardane janë shumë të pakta, për faktin se duhet ti fitojë të dyja ndeshjet, ndërkohë Zvicra duhet të bëjë të kundërtën, të humbasë ndeshjet e mbetura. Grupi kryesohet nga Rumania me 16 pikë, më pas Zvicra, Izraeli, Kosova, Bjellorusia dhe Andorra.

 LEXONI GJITHASHTU:

• Vedat Muriqi ndal Barcelonën, Juventusi ngjitet në vendin e dytë
• Nuk ndalet Vedat Muriqi, gol dhe assist në përballjen me Villareal