Vedat Muriqi ndal Barcelonën, Juventusi ngjitet në vendin e dytë

Barcelona është ndalur për herë të dytë në këtë sezon të La Ligas, ndërsa barazoi 2-2 me Mallorcan. Blaugranët e patën të vështirë të reagojnë, me vendësit të cilët kaluan në avantazh të parët me bomberin shqiptar Vedat Muriqi. Në minutën e 41 Raphinha solli barazpeshën e përkohshme, ndërsa në fundin e pjesës së parë sulmuesi i Kosovës do të ishte sërish protagonist ndërsa do të asistonte për shokun e skuadrës Prats, për 2-1.

Barcelona u shfaq më kërkuese në fraksionin e dytë, kjo falë dhe organikës që ka, duke barazuar 15 minuta para fundit me Lopez, për të vulosur rezltatin përfundimtar 2-2. Vedat Muriqi ishte lojtari me notën më të lartë tek Mallorca.

Në sfidën tjetër të luajtur në La Liga, Sevilla mposhti lehtësisht Almerian me rezultatin 5-1. Në Serinë A, Juventusi është ngjitur në vendin e dytë pas fitores minimale ndaj Leçes. Një ndeshje që foli e gjitha për bardhezinjtë, të cilët pavarësisht rezultatit, dominuan takimin në pjesën më të madhe të kohës. Në minutën e 57’ ishte Milik që zhbllokoi rezultatin dhe solli fitoren e katërt për bardhezinjtë në kampionat që ngjiten në kuotën e 13 pikëve.

LEXONI GJITHASHTU:

• Grabitet shtëpia e Ramos, hajdutët marrin ora luksoze dhe sende me vlerë
• EMRAT| Kush janë 3 shqiptarët që vodhën shtëpinë luksoze të futbollistit të njohur