Murrizi-Berishës|Me këto lista jeni fotokopje e Ramës, humbisni besimin e qytetarëve

Ish-deputeti i PD, Myslym Murrizi tha për Euronews Now se nëse Partia demokratike shkon në zgjedhje me 1/3 e listave të mbyllura, do të konceptohet si fotokopje e qeverisë në pushtet.

“Nuk mund të sjellësh moral dhe frymë ndryshe nga këta që janë në pushtet nëse shkojnë pas listave me 1/3 –ën të mbyllur, duke thënë që janë ndryshe. Pse je më ndryshe ti? Nëse është për të qenë frikacak dhe hajdut kanë Ramën njerëzit.” –tha ish-deputeti.

Sipas Murrizit, kjo lloj marrëveshje për mbylljen e një të tretës së listave, shihet si një lloj frike nga politikanët në sytë e qytetarëve.

“Me çfarë fytyre do thuash që je në përfaqësi të këtij populli. Nëse Berishën e mashtrojnë të pazotët politikë, që kërkojnë me çdo lloj forme të kenë përfaqësues në parlament, do ketë pasoja katastrofale për Partinë Demokratike.”-vazhdoi më tej ai.

Sipas parashikimit të tij, nëse PD vazhdon t’i qëndrojë marrëveshjes për mbylljen e 1/3 –ës së listave zgjedhore, do të arrijë të fitojë vetëm 25 deri në 35 deputetë në gjithë vendin.

LEXONI GJITHASHTU:

• “Tym i bardhë për ‘Zgjedhoren’”, marrëveshja PS-PD: Ja si do zgjidhen deputetët
• Arrihet marrëveshja PS-PD për “Zgjedhoren”, Euronews Albania siguron tekstin e plotë