Murrizi: Qeveritë shqiptare ndër vite “lëpirëse” ndaj Greqisë

Ish-deputeti  i Partisë Demokratike, Myslim Murrizi thotë se politika shqiptare ka qenë gjithmonë inferiore karshi lidershipit grek për të diskutuar çështje të rëndësishme si ajo çame.

Në një intervistë për Euronews Albania, Murrizi u shpreh se të dyja partitë që kanë pasur pushtetin në Shqipëri i janë servilosur Greqisë.

“Kemi pasur elitë politike lëpirëse dhe servile, kanë qenë inferiorë ndaj lidershipit grek edhe kur ka qenë PS dhe kur ka qenë PD në pushtet. Secila palë mund të ulej në tavolinë dhe të diskutonin lidhur me çështjen çame. Këta tanët s’kanë nevojë të blihen, gjithçka është çështje inferioriteti. Qeveritë shqiptare nuk vijnë nga galaktika, zgjidhen nga ky populli. Kemi 32 vjet që kemi të njëjtët individë”, tha Murrizi.

LEXONI GJITHASHTU:

• Deklarata e fortë e Murrizit: Non grata e radhës mund të jetë një anëtar i SPAK
• “Xhaçka ka qenë shumë në siklet”, Murrizi: Reagimi për ambasadoren s’është lapsus