Musk pranon se rrjeti social X mund të dështojë

Elon Musk, pronari i X, i njohur më parë si Twitter, tha se rrjeti social mund të dështojë.

Një deklaratë e tillë erdhi pasi një defekt në softuer shkaktoi fshirjen e imazheve të postuara para dhjetorit të vitit 2014.

“E vërteta e trishtë është se nuk ka më rrjete sociale të mëdha në këto kohë. Ne mund të dështojmë, siç kanë parashikuar shumë, por ne do të bëjmë më të mirën,” – shkroi Musk në X.

Gjatë fundjavës, një gabim në platformë bëri që imazhet dhe lidhjet me postimet e bëra para dhjetorit 2014 të hiqen.

Gabimin e vunë re disa përdorues.

Selfie e famshme e Ellen DeGeneres nga Oscar Aëards 2014 u hoq gjithashtu, por më vonë u rivendos. Fotoja u bë fotografia më e shpërndarë e platformës ndonjëherë, me më shumë se dy milionë shpërndarje në platformë.

Postimi viral i ish-presidentit amerikan, Barack Obama, pas fitores së tij në zgjedhjet e vitit 2012 ka mbetur i pandryshuar.

LEXONI GJITHASHTU:

• S’do mund të bëni më “block”, Elon Musk ndryshon rregullat e platformës X
• Musk zbulon detaje nga ndeshja me Mark Zuckerberg: Do jetë në një vend epik