S’do mund të bëni më “block”, Elon Musk ndryshon rregullat e platformës X

Twitter tashmë me emrin e ri X, do të heqë opsionin e bllokimit për përdoruesit e saj, pasi sipas themelusit të kësaj platforme, Elon Musk, ky opsion nuk ka kuptim.

Musk tha se përdoruesit do vazhdojnë të kenë mundësinë që të bllokojnë pëërdorues të tjerë nga dërgimi i mesazhveve, megjithatë kjo ngjalli shumë reagime te njerëzit në platforma sociale, pasi kjo do e bëj më të vështirë ndalimin e postimeve abuzuese të cilat do vazhdojnë të shfaqen në kryefaqen e tyre.

I vetmi opsion që përdoruesit mund të aplikojnë për këto postime është “mute”. Por një llogari që i është aplikuar kjo komandë nga një përdorues, mundet ende të shohë postimet e këtij të fundit dhe të komentojë.

Shqetësimi i pjesëtarëve të platformës X është se kjo nuk do të  mjaftojë për t’u mbrojtur nga rastet e ngacmimit, abuzimit dhe përndjekjes.

Heqja e opsionit “block” mund të cenojë gjithashtu edhe rregullat e App Store dhe Play Store, pasi këto kanë kushte ku përcaktohet se aplikacionet e rrjeteve sociale duhet të kenë opsione për të filtruar ngacmimet dhe bullizmin.

Kjo mund të bëjë që X të mos shkarkohet më në këto platforma.

Ende nuk dihet nëse kjo politikë e re e X do të zhbllokojë automatikisht të gjitha llogaritë që përdoruesit kanë bllokuar.

Ata mund të kthejnë llogaritë e tyre në private duke bërë që postimet të shihen vetëm nga personat që ndjekin.

LEXONI GJITHASHTU:

• Dogjën sipërfaqe pyjore, 2 persona në pranga, 4 të tjerë nën hetim
• “Rruga e Shqipërisë drejt BE-së, e pakthyeshme”/ Gazetari: Ka ende probleme