“Rruga e Shqipërisë drejt BE-së, e pakthyeshme”/ Gazetari: Ka ende probleme

Gazetari italian Massimiliano Coccia, foli në lidhje me vizitën e kryeministres italiane Georgia Meloni në vendin tonë pak ditë më parë.

Në një intervistë për Euronews Albania, ai theksoi se ka pasur një gjykim të gabuar për shqiptarët, gjë për të cilën tashmë po bëhet përpjekje për ta rregulluar.

Më tej ai theksoi se Georgia Meloni do që të arrijë me Shqipërinë një marrëdhënie speciale.

Megjithatë ai shtoi se Shqipëria ka shumë gjëra për të rregulluar, si në rendin publik si dhe krimin e organizuar.

“Janë çështje si integrimi. Nuk duhet të harrojmë që për një periudhë të gjatë komunitetet shqiptare kanë qenë objekti i kritikave në Itali, është krijuar një imazh negative për ta. U akuzuan për shumë krime dhe kur nuk ishin përgjegjës për ata krime. Pra kishte një paragjykim të gabuar.

Sot është dhe përgjegjësia për ta devijuar këtë gjykim mbi emigracionin dhe pasojat që emigracioni ka për Evropën. Shtegu evropian i Shqipërisë është i pakthyeshëm dhe po ashtu rrëfimi i duhur i historisë së emigrantëve shqiptarë. Georgia Meloni do që të arrijë me Shqipërinë një marrëdhënie speciale. Shqipëria ka probleme që duhet të zgjidhë si në rendin publik, krimin e organizuar, pasi është destinacion i shumë produkteve kriminale”- tha ai.

LEXONI GJITHASHTU: 

• Dibër/ 32-vjeçari godet me sende të forta 61-vjeçarin
• Spalletti trajneri i ri i Italisë, ish-kreu i Napolit merr drejtimin e “të kaltërve”