Mustafa: Ndërkombëtarët s’e lejojnë dorëheqjen e Kurtit pa zbatimin e marrëveshjeve

Ish-kryeministri i Kosovës, Isa Mustafa, në një prononcim për Gazeta Blic, ka thënë se as në horizont dhjetëvjeçar nuk sheh marrëveshje përfundimtare mes Kosovës dhe Serbisë, ku krejt kjo sipas tij është për shkak të papërgjegjësisë së këtij pushteti.

Më tej Mustafa thotë se Kosova është shndërruar në problem të sigurisë.

Ai tha se edhe nëse Kurti dëshiron të japë dorëheqje e të mos i zbatojë marrëveshjet këtë nuk do t’ia lejonte komuniteti ndërkombëtar.

“Nuk është fjala vetëm për masat e shtensionimit të situatës në veri, por për përmbushjen e marrëveshjeve të cilat i ka pranuar Kurti në emër të Kosovës.

Sa po duket, edhe nëse Kurti do të donte të japë dorëheqje e të mos i zbatonte marrëveshjet, këtë nuk do ta lejojë komuniteti ndërkombëtar pa filluar ai implementimin e marrëveshjeve, me kundërshtimin e të cilave ka ardhur në pushtet”, tha Mustafa për Gazeta Blic.

Pas takimit Kurti-Vuçiç, që pritet të mbahet në shtator, Mustafa për Gazeta Blic ka thënë se Kurti e ka futur dialogun në mekanizma të sanksioneve, ku edhe marrëveshja e Brukselit dhe Ohrit peshohet me sanksione.

LEXONI GJITHASHTU:

• Kurti i bën thirrje BE-së për heqjen e masave ndaj Kosovës “sa më shpejt”
• Berisha kundër Kurtit: Jo grusht shteti, por mekanizma ligjore