Muzeu më i rrallë në Ballkan, godina në Pogradec e lënë në harresë

Edhe pse muzeu i Pogradecit është i vetmi institucion historik që tregon fakte dhe dokumenton historinë e zonës, mungesa e investimeve i ka zbehur rëndësinë që ai mbart.

Drejtoresha e këtij institucioni, Froseda Tole tregon se çfarë është e nevojshme të bëhet për ta rijetëzuar.

“Është e vërtetë, muzeu ka pasur pak investime në këto ditë kjo është dhe arsyeja që nuk mund të gjejmë mënyrën e ekspozimit siç e shohin në muzetë e tjerë. Është e nevojshme pajisja me vitrina. Patjetër që ka nevojë për investime për rikonstruksionin total të godinës, rrethimin e jashtëm, pak me shume respekt nga ana e banorëve që e rrethojnë muzeun, edhe ata kanë rolin e tyre në mënyrën si keqtrajtohet muzeu”, thotw Froseda Tole, drejtoresha e muzeut Pogradec,

Koleksioni që ndodhet në këtë muze është ndër më të rrallët në Ballkan.

“Muzeu ka një koleksion shumë të pasur, nis nga neoliti i hershëm. Komplekse veglash pune, ka objekte të veçanta në vetvete që përbëjnë objekte të rrallë. Kemi dy përkrenare ilire që në llojin e tyre janë të veçanta, nuk ka me shume se 30 ekzemplare në gjithë Ballkan. Shumë ai ato objekte ka nevojë për objekte të tjera të prezantohen ndryshe”, shprehet Tole.

Mungesa e investimeve ka ndikuar negativisht edhe në numrin e vizitorëve. Turistët e huaj janë shumë të rrallë. Për këto arsye, ndërhyrja për restaurimin e godinës mbetet domosdoshmëri.

LEXONI GJITHASHTU:

• Lothar Matthaus i dhuron fanellën ikonë të Maradonës muzeut të Legjendave në Madrid
• Hapet në Danimarkë muzeu për refugjatët, që nga Lufta II Botërore