Muzikanti grek gjendet i vdekur në banesë, ekspertiza: Kishte goditje në fytyrë

Një muzikant grek 50-vjeçar është gjetur i pajetë mëngjesin e sotëm në banesën e tij në rrugën Harilaou Trikoupi në Exarchia.

Sipas mediave greke, vdekja e tij është e mbushur me mister, pas dyshimeve të shumta për një vrasje të mundshme.

Mjeku ligjor që ka parë trupin e 50-vjeçarit ka thënë se viktimës i ka konstatuar lëndime të shumta dhe të rënda në fytyrë. Në fakt, siç tha ai, goditjet janë shkaktuar nga një objekt i përdorur nga autori i vrasjes.

Në banjën e shtëpisë policia gjeti një çekiç dhe një thikë. Për ngjarjen është arrestuar një 48-vjeçar, të cilin viktima e ka pritur në banesën e tij. Raportohet se i arrestuari është ende në gjendje të keqe dhe tashmë ka filluar të zgjohet.

Sipas një shitësi vendas, muzikanti 50-vjeçar jetonte aty prej më shumë se 10 vitesh, ndërsa pasditen e djeshme pa një burrë të panjohur, i cili u prezantua si kushëriri i tij.

“Kam parë një burrë rreth orës 3 të pasdites jashtë pallatit. Ai ishte shtrirë dhe më tha se është kushëriri i tij dhe ishte sikur flinte, sikur kishte vdekur. Më thotë ‘Unë jam kushëriri i Nikos’”, përshkruan biznesmeni dhe fqinji i 50-vjeçarit.

Ndërkohë autoritetet po vijojnë punën për sqarimin e plotë të rrethanave të ngjarjes dhe identifikimin e autorit të vrasjes.

LEXONI GJITHASHTU:

• Misteri me abuzimin e 12-vjeçares në Greqi, babai i saj u gjet i vdekur në makinë
• E rëndë në Greqi, 14-vjeçarja abuzohet dhe shfrytëzohet nga 12 persona