Zbardhet dëshmia e Kushtrim Kokalla: Naimi para 1 viti më ka lutur ta vras Liridonën

I arrestuari i katërt për përfshirjen në vrasjen e Liridona Ademajt, Tom Dodaj, ka pranuar në dëshminë e tij se ia ka shitur armën e krimit Naim Murselit e Granit Plavës.

Ai mohon të jetë i përfshirë në vrasjen e Liridona Ademajt, teksa thekson se armën ia ka shitur për 280 euro.

Ndërsa Kushtrim Kokalla, i arrestuar i tretë si i dyshuar për përfshirje në vrasjen e Liridona Ademajt, ka pranuar se Naim Murseli e ka lutur atë prej afër një viti që të kryejë vrasjen e 30-vjeçares.

Kokalla ka dhënë detaje edhe për mënyrën e komunikimit mes Murselit e Plavës si dhe detaje tjera për ditën kritike të vrasjes së Liridona Ademajt dhe ditën e varrosjes së saj.

Ditët e fundit ka dëshmuar edhe vetë Naim Murseli i cili ka treguar ngjarjen sipas versionit të tij ku mes te tjerash është shprehur se Liridona e kishte tradhtuar.

LEXONI GJITHASHTU:

• Familja e Liridona Ademajt i kërkon takim urgjent Prokurorisë, duan informacione
• Eksperti: Skema e mashtrimit prej 30 mln € në Suedi ku ishte përfshirë Naim Murseli