Napoli rikthehet në krye të Serie A, mposht Juventusin 2-1 në Maradona Stadium

Napoli është rikthyer në krye të klasifikimit të kampionatit Italian, pasi të dielën mposhti Juventusin me shifrat 2-1 ndërsa kampionët në fuqi e shohin veten një pikë para Interit, që renditet i dyti.

Danezi Hojlund ishte heroi i Napolit duke i dhënë Antonio Contes një tjetër rezultat pozitiv ndaj një prej ish-skuadrave të tij.

Në stadiumin Diego Armando Maradona, vendasit gjetën avantazhin shumë shpejt me sulmuesin danez, i shërbyer nga braziliani Neres.

Në fraksionin e dytë, Yildiz riktheu ekuilibrat, por barazimi do të zgjaste vetëm 19 minuta, pasi ishte sërish Hojlund që shënoi golin e dytë dhe i dha fitoren napoletanëve, të cilët marrin përkohësisht kreun, duke shpresuar te një rezultat negativ i Milanit që luan me Torinon.

Napoli numëron 31 pikë në 14 ndeshje të luajtura, me 10 fitore, 1 barazim dhe 3 humbje.

Të dielën në fushë zbriti edhe Roma, e cila u mposht nga Cagliari në transfertë dhe largohet 4 pikë nga vendi i parë. Sa i përket dy sfidave të tjera, Cremonese mposhti Leccen 2-0 në shtëpi, ndërsa Lazio u ndal nga Bolonja, me kryeqytetasit që u ndëshkuan edhe me kartonin e kuq.