NATO e hapur për vazhdimin e dialogut me Rusinë

NATO është e hapur për vazhdimin e dialogut me Rusinë në lidhje me konfliktin me Ukrainën.

Kështu deklaroi për mediat Sekretari i Përgjithshëm i NATO-s, Stoltenberg, të mërkurën.

Ai shprehu gatishmërinë për dialog me Rusinë “në pikat ku mund të arrihet progres”.

Putin kërkon nga Perëndimi që Ukraina të mos bëhet pjesë e NATOs.

Stoltenberg, gjatë deklaratës u shpreh se Ukraina zgjedh vetë nëse do të bëhet pjesë apo jo.

“Rreth 5000 trupa të NATO janë në gatishmëri nën komandën e Francës. Sot i nisëm përgjigjet Moskës me shkrim. Ukraina e zgjedh vetë nëse dëshiron të anëtarësohet”, tha Stoltenberg.

Ai shtoi se ka hapësira për bashkëpunim për forcimin e sigurisë me NATOs dhe Rusisë.