NATO thirrje Rusisë të ndërpresë çdo veprim ushtarak

Pas sulmit të Rusisë ndaj Ukrainës të enjten, Sekretari i Përgjithshëm i NATO-s, Jens Stoltenberg i ka bërë thirrje Rusisë që të ndërpresë menjëherë veprimet ushtarake ndaj Ukrainës.

Stoltenberg tha se “dënon fuqishëm sulmin që vë në rrezik jetë të panumërta qytetarësh”.

Në një reagim në faqen e tij zyrtare në Facebook, Stoltenberg tha se sulmi rus është një shkelje e rëndë ë e ligjit ndërkombëtar, dhe një kërcënim serioz për sigurinë euroatlantike.

Ai i bëri thirrje Rusisë që të ndërpresë menjëherë sulmet ushtarake dhe të respektojë sovranitetin dhe integritetin territorial të Ukrainës.

Stoltenberg deklaroi se do të qëndrojnë përkrah popullit të Ukrainës.

“NATO do të bëjë gjithçka që duhet për të mbrojtur dhe mbrojtur të gjithë aleatët”, u shpreh Stoltenberg.

Mëngjesin e të enjtes Rusia zhvilloi një operacion ushtarak në Ukrainë, duke lënë 7 të vdekur dhe 9 të plagosur.