NATO: Trajnimi i pilotëve ukrainas nuk na bën pjesë të konfliktit

Trajnimi i pilotëve ukrainas për përdorimin e avionëve luftarakë të prodhimit amerikan, F-16, nuk e bën NATO-n pjesë të konfliktit.

Kështu deklaroi të martën shefi i aleancës ushtarake perëndimore, Jens Stoltenberg.

“Ukraina ka të drejtë të vetëmbrohet. Ne e ndihmojmë Ukrainën që ta zbatojë këtë të drejtë”, tha ai për gazetarët.

“Kjo nuk e bën NATO-n apo aleatët e NATO-s pjesë të konfliktit”, tha ai.

Stoltenberg e vlerësoi si hap shumë të rëndësishëm nisjen e trajnimit të pilotëve, “që do të na mundësojë dërgimin e avionëve në një fazë” të ardhshme.

Shefi i aleancës ushtarake porositi se Perëndimi nuk do të zmpraset para Rusisë, duke shtuar se një vendim i tillë “dërgon një sinjal shumë të qartë se ne jemi këtu për periudhë afatgjatë dhe Rusia nuk mund të llogarisë se ne do të largohemi.

Ndërkaq, shefi i politikës së jashtme të Bashkimit Evropian, Josep Borrell, mirëpriti vendimin e Shteteve të Bashkuara për të lejuar trajnimin e pilotëve ukrainas për përdorimin e avionëve F-16.

LEXONI GJITHASHTU:

• Xhiroi gomat e makinës në bulevard dhe kundërshtoi policinë, e ‘pëson’ 26-vjeçari
• Ndryshime në aplikacionin Whats’app