Ish-kryeministri i Greqisë, Kostas Simitis është ndarë nga jeta në moshën 88-vjeçare pasi ishte shtruar në spitalin e Korinthit. Mediet greke shkruajnë se ish kryeministri helen, ndodhej në banesën e tij në Ajios Theodhorus kur u ndje keq dhe dërgua në spital, por nuk mundi të shpëtojë.
Simitis e drejtoi Greqinë nga 1996 -2004 kur pasoi Andrea Papandreu në krye të Greqisë.
Kostas Simitis u bë i njohur për planin e tij reformator të ekonomisë greke. Ai ishte nismëtari i një disa projekteve madhore infrastrukturore të vendit që transformuan Greqinë dhe e futën në zonën euro.
Simitis ishte kryeministri që lancoi nga Selaniku në vitin 2000 edhe dogmën e integrimit të Ballkanit në BE, duke e shndërruar Greqinë për shumë vite në mbështetësin kryesor të këtyre vendeve drejtë unionit.
Në raport me Shqipërinë, Simitis ka qenë në zyrën e kryeministrit të Greqisë gjatë kohës së Luftës së Kosovës dhe u bë protagonist i një politike të matur brenda vendit dhe ndihmues karshi shqiptarëve!
LEXONI GJITHASHTU:
- Policia Greke reagon pas arrestimit të shumëkërkuarit Jani Alia në Athinë
- Humbi jetën në aksident, 24-vjeçarja me pasaportë greke kishte ardhur për festa
