Ndahet nga jeta mjekja dhe pedagogia e njohur

Ka ndërruar jetë këtë të shtunë pedagogia dhe mjekja e njohur Sonela Xinxo, pas një beteje të gjatë me një sëmundje të rëndë.

Lajmi është bërë publik në faqen Institutit të Shëndetit Publik, institucion ku ajo ka punuar për periudhën 2003-2017, në fushën e parandalimit dhe kontrollit të Sëmundjeve Jo të Transmetueshme.

ISHP vlerëson maksimalisht mjeken Xinxo për kontributin e dhënë në fushën e mjekësisë si dhe i shpreh ngushëllimet miqve dhe të afërmve.

Postimi i ISHP:

Me dhimbje të thellë njoftojmë ndarjen e parakohshme nga jeta të një nga kolegeve të Institutit të Shëndetit Publik, Dr. Sonela Kavaja Xinxo.

Sonela punoi ne ISHP për periudhën 2003-2017, ne fushën e parandalimit dhe kontrollit te Sëmundjeve Jo të Transmetueshme, duke kontribuar në hartimin e regjistrit të Sëmundjeve të Zemrës si dhe të shumë dokumenteve të politikave shëndetësore.

Sonela do ti mungojë jo vetëm familjes por edhe të gjithë miqve dhe kolegëve me të cilët ajo bashkëpunoi, si dhe studentëve të Fakultetit të Mjekësisë të cilëve ju përkushtua për disa vite. I paharruar qoftë kujtimi i saj!

LEXONI GJITHASHTU:

• Ndahet nga jeta aktori dhe regjisori i njohur
• Ndahet nga jeta në moshën 77-vjeçare operatori i filmave shqiptar