Ndahet nga jeta në moshën 55-vjeçare gazetari i kronikës së zezë, Zamir Dule

Ndërron jetë në banesën e tij në Miras të Devollit, Zamir Dule, gazetari i njohur i kronikës, gazetari që në 1997 u masakrua brenda ambienteve të gazetës “Koha Jonë”.

Dule kishte kryer para një muaji një ndërhyrje kirurgjikale, ndërkohë që prej kohësh nuk ishte në gjendje të mirë shëndetësore.

Zamir Dule nisi punën si gazetar në gazetën “Zëri i Rinisë” dhe më pas filloi korrespondent i gazetës “Koha Jonë” për Qarkun e Korçës.

Në vitin 1994, ai erdhi në Tiranë ku mbuloi po sektorin e kronikës për policinë, prokurorinë dhe gjykatën. Ai arriti kulmin në karrierën e tij në vitin 1996, kur shkroi edhe librin “Përbindëshi i Tropojës”.

Në vitin 1997 ai u dhunua nga policia brenda ambienteve të gazetës “Koha Jonë”. Ai u shoqërua në polici ku u torturua e për pasojë pati edhe probleme të shëndetit mendor.

Prej kohësh ai vuante nga sëmundja në zemër dhe familjarët e tij shpesh kishin bërë thirrje për ndihmë.

Varrimi i tij do të bëhet sot në fshatin Miras të Korçës në orën 13:00.

LEXONI GJITHASHTU:

• Ndahet nga jeta sportisti legjendar i Tiranës
• Ndahet nga jeta në moshën 83-vjeçare mjeshtri i futbollit korçar Teodor Vaso