“Ndal policia”- Arrestohet në flagrancë 51-vjeçari, po shiste drogë në Sarandë

Një 51-vjeçar është arrestuar në Sarandë teksa u shiste lëndë narkotike disa personave në një lagje të qytetit.

Gjatë kontrollit fizik të 51-vjeçarit, policia sgjeti një sasi lënde narkotike cannabis sativa dhe kokainë, e ndarë në doza të gatshme për shitje.

Gjithashtu u sekuestruan një shumë parash e përfituar nga shitja e drogës, si dhe 2 celularë.

“Specialistët për Hetimin e Narkotikëve të DVP Vlorë, në vazhdën e operacioneve të njëpasnjëshme kundër veprimtarisë kriminale të shitjes së lëndëve narkotike, në doza, në qytete dhe në zonat bregdetare, kanë organizuar dhe finalizuar operacionin policor të koduar “Parts 18”, si rezultat i të cilit u konstatua dhe u godit 1 tjetër rast në këtë fushë.

Për këto rast, u kap në flagrancë teksa shiste në lagje të ndryshme të qytetit, dhe u arrestua shtetasit: B. Sh., 51 vjeç , banues në Ksamil, Sarandë”, njofton policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

LEXONI GJITHASHTU:

• Po grabiste 1 makinë e tentoi të dhunonte policët, arrest në flagrancë 28-vjeçarit
• “Grabitja” qesharake e bankës, i riu tentoi të hynte duke qëlluar derën me gurë