Ndalen kampionët e Europës, San Marino fiton ndeshjen e parë në 20 vite

Rikthimi pas kampionatit evropian nuk ka shkuar në mënyrën më të mirë të mundshme për kampionët e kontinentit të vjetër të cilët barazuan me Serbinë pa gola, në duelin e zhvilluar në Beograd. La furia Roha pa shumë ndryshime në formacion nuk shkoi më shumë se një barazim 0-0, në ndeshjen e vlefshme për grupin 4, aty ku Danimarka fitoi pastër ndaj Zvicrës. Dorgu e Hojbjerg ishin heronjtë e nordikëve, ndërsa në anën tjetër kapiteni Xhaka u ndëshkua me kartonin e kuq.

Më herët Elvedi e më pas Xhaka i cili mori dy kartonë të verdhë, duke e tradhtuar nervat. Në sfidat e tjera të zhvilluara në grupin 1, Portugalia fitoi ndaj Kroacisë 2-1 me golat nga Dalot e Ronaldo, me mbrojtësin anësor që më pas shënoi autogol. Polonia mori një 3 pikësh jo të lehtë ndaj Skocisë edhe pse e pa veten në avantazh të dy golave me autorë Szymanski e Lewandowski që në fraksionin e parë. Gilmour e McTominay rikthyen ekuilibrat, e kur ndeshja u duk se nuk do të kishte fitues, ishte Zaleëski në limite që dërgoi rezultatin në 2-3.

Pas 20 vitesh ka ardhur dhe fitorja e parë për San Marinon, që mposhti në shtëpi Lihtenshtejnin. Një gol i Sensolit në pjesën e dytë mjaftoi që të vinin 3 pikët dhe për herë të parë e shohin veten në vendin e parë.