Ndalimi i monopatinave, qytetarët pas 30 ditësh arrijnë të marrin mjetet e bllokuara

Që prej datës 13 tetor është ndaluar përkohësisht përdorimi i monopatinave elektrike në vendin tonë. Për shkak të këtij vendimi mbi 1000 mjete elektrike janë sekuestruar në Tiranë gjatë kësaj kohe.

Pas 30 ditëve nga momenti i bllokimit, për të tërhequr monopatinat, qytetarët duhet të paraqesin pranë Komisariatit të Policisë Rrugore një vërtetim pronësie, siç është fatura e blerjes.

Euronews Albania mëson se pas përfundimit të këtij afati disa qytetarë kanë arritur të marrin mjetet e tyre në momentin që kanë paraqitur dokumentin e nevojshëm. Ministria e Brendshme dhe Policia e Shtetit ende nuk kanë hartuar kuadrin ligjor sa i përket lejimit të përdorimit të monopatinave.

LEXONI GJITHASHTU:

• VIDEO/ Shqiptari në Skoci ndjek me sharrë elektrike policët britanik
• Gjueti e paligjshme në Pogradec: Kapet një person, sekuestrohet arma e gjahut