Policia e Kosovës arreston 14 persona për shkelje gjatë zgjedhjeve

14 persona janë ndaluar në Kosovë për ngjarje që lidhen me procesin zgjedhor, deri në orën 22:30. Këtë e bëri të ditur prokurori i Shtetit, ku theksoi se 13 prej tyre po mbahen në ndalim, ndërsa një person është liruar.

Në komunën e Kllokotit janë arrestuar katër persona, nën dyshimin se kanë cenuar përcaktimin e lirë të votuesve dhe kanë dhënë ose marrë ryshfet në lidhje me votimin.

Në Suharekë është ndaluar një person, për pengim të procesit të votimit.

Në Malishevë janë ndaluar tre persona, në dy raste të ndryshme, ku dy persona janë ndaluar për dhënie ose marrje ryshfeti në lidhje me votimin dhe një person për pengim të procesit të votimit.

Në komunën e Skenderajt fillimisht janë ndaluar tre persona, ku njëri nga ta pas intervistimit është liruar në procedurë të rregullt, ndërsa dy të tjerët vazhdojnë të mbahen në ndalim, me dyshimin se kanë cenuar fshehtësinë e votimit.

Në komunën e Fushë Kosovës janë ndaluar tre persona nën dyshimin se kanë kryer falsifikim të rezultateve të votimit.