Ndarja e mandateve në Tiranë, Çeka: PS ka humbur të paktën 2 mandate

Në bazë të të dhënave paraprake nga Exit Poll i Euronews për qarkun e Tiranës, Partia Socialiste dhe Partia Demokratike pritet të marrin të njejtin numër mandatesh, nga 17 secila.

Teksa është diskutuar për pjesëmarrjen e votuesve në Tiranë, sipas gazetarit Nurellari, rritja më e madhe në rang kombëtar ka ndodhur në Tiranë, krahasuar me zgjedhjet e 2013-ës dhe 2017-ës.

Duke marrë parasysh shifrat zyrtare, z.Nurellari deklaroi se ka një rritje prej 5% në krahasim me vitin 2017, ndërsa pyetjes së Ilva Tares nëse ka ndryshuar ngjyra e Tiranës, specialisti i zgjedhjeve, Blendi Çeka u shpreh “sigurisht që ka ndryshuar’’.

Në fjalën e tij, z.Çeka tha që në bazë të Exit Poll-it për Tiranën, vihet re që Partia Socialiste vetëm në këtë qark ka humbur dy mandate.

Sipas tij, në krahasim me 2017-ën, këto dy mandate shkojnë për opozitën dhe në të njejtën linjë me z.Çeka ishte edhe Neritan Sejamini.