Ndarja nga jeta e Andis Harasanit, bashkëshortja: Do të mbetesh në zemrat tona

Këtë të djelë është njoftuar se Andis Harasani, ish-deputet i Kuvendit të Shqipërisë dhe një nga figurat e njohura të politikës dhe sektorit energjetik, ka ndërruar jetë në moshën 53 vjeçare.

Edhe bashkëshortja e tij ka njoftuar këtë lajm në një postim në rrjete sociale ku thotë se është përjetësisht mirënjohëse ndaj tij për këtë rrugëtim jete.

“Andis do të mbetet në zemrat tona, njeriu ynë më i shtrenjtë, me humor të pakrahasueshëm, gjithë mençuri dhe guxim për të ecur përpara”, shkruan ajo.

Të dashur familjarë e miq

Me hidhërim të thellë, njoftojmë humbjen e parakohshme të njeriut tonë të zemrës, babait, bashkëshortit, djalit, vëllait dhe mikut, Andis Harasani.

Andisi ynë luftoi për jetën me forcën, besimin dhe vendosmërinë që e karakterizonte gjithmonë. Ai luftoi fort për ne dhe nuk rreshti kurrë së dhuruari dashuri, mbështetje dhe forcë. Fatkeqësisht, e humbëm betejën kundër kancerit.

Unë, Thea dhe Henry jemi përjetësisht mirënjohës për këtë rrugëtim jete që krijuam bashkë. Ti do të mbetesh në zemrat tona, njeriu ynë më i shtrenjtë, me humorin tënd të pakrahasueshëm, gjithë mençurinë dhe guximin për të ecur përpara. Do na mungosh pafundësisht, dashuria jonë!

Detajet për ceremoninë e lamtumirës do të ndahen në ditët në vazhdim.

LEXONI GJITHASHTU:

• Ndërron jetë në moshën 53-vjeçare ish-deputeti Andis Harasani
• Propozimet për listat e deputetëve, mbyllet takimi i Ramës me drejtuesit e qarqeve