Ndërhyrja nga ajri e avionit rumun përmirëson situatën e zjarreve në Malin e Thatë

Pas ndërhyrjes nga ajri nga avioni rumun i ardhur si mbështetje nga mekanizmi Europian i Mbrojtjes Civile, situata po shkon drejt përmirësimit në Parkun Kombëtar të Prespës dhe Malin e Thatë.

Një ditë më parë avioni rumun ka kryer tre fluturime, dy në Malin e Thatë e një në Parkun Kombëtar të Prespës, ndërkohë që vetëm paraditen e sotme ka kryer edhe dy fluturime të tjera.

Edhe për kryetarin e bashkisë Pustec ,Pali Kolefski në një situatë si kjo shpresa e vetme është ndërhyrja nga ajri.

Në terren vetëm në Parkun Kombëtar të Prespës janë të angazhuar me shume se 110 forca, 55 prej të cilëve janë forca të ushtrisë.