Titujt e nderit që jepen nga Presidenti, Kuvendi, Qeveria dhe bashkitë nuk do të shoqërohen me shpërblime financiare për personat që i përfitojnë.
Ky është qëllimi i projektligjit të ri për titujt e nderit që ka hedhur për konsultim publik Këshilli i Ministrave.
Nisma ndan titujt e nderit nga dekoratat dhe në relacionin shoqërues, Qeveria thotë se është bazuar te modeli italian dhe ai francez. Në nenin tre të tij ligji thotë se dhënia e titujve të nderit nuk shoqërohet me shpërblim financiar.
Ligji nuk do të ketë efekt prapaveprues. Personat që kanë marrë titujt me ligjin ekzistues do të vazhdojnë të gëzojnë shpërblimet e përcaktuara prej tij. Shpërblimet hiqen për titujt që do të jepen pas hyrjes në fuqi të këtij ligji.
Ndërkohë, dekoratat do të rregullohen me një ligj më vete.
LEXONI GJITHASHTU:
- VIDEO | Qeveria mbylli kolegjin turk, nxënësit ngrihen në protestë
- Aksioni kundër pallateve pa leje, qeveria ‘e dorëzon’ te IKMT e policia: S’ndërhyjmë
- Shqipëria synon 230 mln euro nga BE, përparësi projektet për punësimin e energjinë
