Ndërron jetë 3-vjeçari në Tiranë, shkak dyshohet mjekimi i pakujdesshëm

Një ngjarje e rëndë ka ndodhur këtë të enjte në Tiranë, ku një fëmijë i moshës 3-vjeçe ka ndërruar jetë si pasojë e mjekimit të pakujdesshëm.

Fëmija ishte çuar në një klinikë private, për rregullimin e dhëmbëve, ndërkohë që doza e anestezisë dyshohet se është bërë shkak për humbjen e jetës së të miturit.

Policia bën me dije se ka shoqëruar dentistin Roland Xhaxho, pas kallëzimit të bërë nga babai i fëmijës.

Materialet në lidhje me rastin janë referuar në prokurori ndërkohë që po vijojnë hetimet për zbardhjen e plotë të shkaqeve të vdekjes së 3-vjeçarit.

“Specialistët për Hetimin e Krimeve të Komisariatit të Policisë Nr. 4 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasin R. Xh., 70 vjeç, banues në Tiranë, për veprën penale “Mjekimi i pakujdesshëm”, pasi ka bërë kallëzim shtetasi B. S. se shtetasi R. Xh. ka mjekuar në mënyrë të pakujdesshme në klinikën e tij private, djalin 3-vjeçar të shtetasit B. S., i cili pas mjekimit në këtë klinikë ka shfaqur komplikacione dhe pas 3 ditësh, ka humbur jetën, në spital”, njofton policia.

LEXONI GJITHASHTU:

• Kush është dentisti i arrestuar për vdekjen e fëmijës 3-vjeçar në Tiranë
• Vdekja e 3-vjeçarit në Tiranë, arrestohet dentisti. Shkak doza e anestezisë