Kush është dentisti i shoqëruar për vdekjen e fëmijës 3-vjeçar në Tiranë

Një ngjarje e rëndë është raportuar të ketë ndodhur në Tiranë, ku një fëmijë i moshën 3-vjeç ka ndërruar jetë si pasojë e marrjes së një mjekimi të gabuar te dentisti.

Nga informacionet paraprake bëhet me dije se dyshohet që shkaku i humbjes së jetës të të miturit, është bërë doza e anestezisë së dhënë nga dentisti 70 vjeçar Roland Xhaxho.

Xhaxho posedon një klinikë private në “Rrugën e Kavajës”.

Ka qenë babai i fëmijës, Guri Spahiu, ai  që ka bërë denoncimin në polici. Ai ka pohuar se në klinikën private  fëmijës i është bërë anastezi totale për të bërë të mundur rregullimin e dhëmbëve.

Pasi ka përfunduar ndërhyrjen dentare nga klinika, Spahiut i është kërkuar që djalin ta marrë e ta çojë në banesë duke rekomanduar dhe mjekimin që duhet të merrte.

Pasi kanë shkuar në banesë, fëmija ka filluar të ndihej keq. Prindërit të shqetësuar kanë marrë në telefon klinikën private por nuk i është përgjigjur njeri.

Duke parë gjendjen e fëmijës e kanë çuar në spitalin pediatirik, ku mjekët pasi kanë parë gjendjen jo të mirë të fëmijës e kanë dërguar në kujdes intensiv.

Megjithatë i mituri nuk ka mundur të mbijetojë duke ndërruar jetë. Sakaq policia ka shoqëruar dentistin dhe po vijon hetimet për zbardhjen e ngjarjes.

LEXONI GJITHASHTU:

• Ndërron jetë 3-vjeçari në Tiranë, shkak mjekimi i pakujdesshëm
• Vdekja e 3-vjeçarit në Tiranë, arrestohet dentisti. Shkak doza e anestezisë